Projet langue corse de la CTC : le sentiment de la FSU 2A
(A redazzioni d'Alta Frequenza) - U cunsighjeru esecutivu, Pierre Ghionga, hà prisintatu arimani (ghjovi) davanti à l'eletti di l'Assemblea di Corsica, u prughjettu di co ufficialità di a lingua corsa. A voghja di crià un'adesioni sana inghjiru à issu ducumentu, pà pudè purtà u pesu dopu da u cantu di l'istanzi parighjini, è, parchì micca, riescia à mudificà l'articulu 2 di a custituzioni francesi. Da u so cantu, a FSU di Corsica Suttana, chì teni issu vennari u so cungressu dipartimintali in Aiacciu, hà vulsutu fà cunnoscia u so parè nant'à issa quistioni chì l'intaressi assai. U sindicatu dinunzia par contu soiu parechji punti di u ducumentu, frà i quali l'evuluzioni di u statutu di l'insignanti, chì pudariani divintà funziunarii di Statu à dispusizioni di a Cullettività Tarrituriali di Corsica. A FSU chì dici chì, par ella, a pupulazioni corsa ùn faci micca di issu cartulari una priurità, à l'arringuerciu di parechji puliticanti.
Écoutez Joseph Marcaggi.
Sur le même sujet
