Proposition de loi sur les successions : la réaction de Jean-Michel Baylet
(A redazzioni d'Alta Frequenza) - A pruposta di legi pà favurizà l'assanimentu cadastrali è a risuluzioni di u disordini di pruprietà, hè u nomu ufficiali di u testu, hè stata adutata ssu ghjovi dopu meziornu à l'unanimità da l'Assemblea naziunali. Ramintemi chì ssu testu prisintatu da i quattru diputati di Corsica è François Pupponi t'hà com'è scopu di compia u travaghju di ricustituzioni di i tituli di pruprietà ed hè l'articulu 5 chì ci intaressa propiu, quillu chì privedi l'esunerazioni tempuraria pà 10 anni di i diritti di spartera nant'à i successioni in Corsica. Dibattitu longu è tennicu ma infini senza inghjocu puliticu veru, postu chì à ssu nivellu quì u cartulari era statu appruntatu bè. Gilles Simeoni è Ghjuvan Guidu Talamoni sarani stati cuntenti di senta Jean Michel Baylet qualificà ssa pruposta di legi "di storica", aghjustendu ancu "u ghjornu di a Festa di a Nazioni". Camille de Rocca Serra, in u so raportu longu, hà spiegatu cù una mansa d'argumenti tennichi ciò chì facia ssa pruposta di legi. Hè statu cusì tennicu d'altrondi chì ùn ci l'hà fatta à andà fin'è a fini di a so argumentazioni ditagliata. Jean Michel Baylet hà incalcatu nant'à l'impurtanza di u travaghju rializatu dipoi mesi è mesi, chì currispondi propiu d'appressu à ellu à l'annunzi di u Prima ministru in principiu di statina.
Steti à senta à Jean Michel Baylet, u ministru di l'Accunciamentu di u tarritoriu.
Sur le même sujet
