Réforme des rythmes scolaires: toujours des questions en suspens
(A redazzioni d'Alta Frequenza) - A riforma di i ritimi sculari! Si n'hè parlatu assai arimani (luni) duranti a riunioni strasurdinaria urganizata da l'associu di i merri di Corsica Suttana. L'amministrazioni retturali, appughjata da altri urganisazioni publichi o parapublichi, era ghjunta à purtà un missaghju pusitivu nant'à una riforma chì faci sempri parlà d'ella. Ancu s'è ùn ci sariani micca uppisizioni putenti à ssu prughjettu, quandu no ammintemi a quistioni finanziaria inveci quì l'affari sò in francesi, com'ellu si dici. Quali hè chì teni i zitelli duranti l'attività perisculari è quali hè chì paga i parsunali chì si n'accuparani, quali hè chì pighja in carica i trasporti sculari in più inghjinnati da ss'attività quì? Dumandi numarosi chì i merri avariani bè vulsutu pona direttamenti à Vincent Peillon, u ministru di l'Educazioni naziunali. L'Associu di i Parenti Corsi, intarissatu à u primu nivellu anch'ellu, t'hà u so parè nant'à ssi quistioni quì.
Steti à senta à Denis Luciani, u so presidenti.
Sur le même sujet
