SNCM à 1 euro : le coup de gueule de Michel Stefani
(A redazzioni d'Alta Frequenza) - Hè sempri u grandi bisbigliu, in tutti i casi pà u grandi publicu, pà ciò chì tocca à l’avvena di i trasporti maritimi trà a Corsica è u cuntinenti. Ci vularà ad aspittà u dibattitu di a fini di marzu pà sapè chì sarani i pruposti cuncreti è pricisi di l’uffiziu di i trasporti in materia di serviziu è chì sarà a riazzioni di i sfarenti cumpagnii di pettu à l’ufferta nova. A ghjurnata d’arimani, è u famosu colpu mediaticu di a SNCM, senza arricà qualsiasi puntu chjaru, hà cuntribuitu piuttostu, à fà nascia u cumbugliu. Parechji si sò cappiati pà cundannà una pruposta scema, d’altri ani ghjudicatu chì un Auru ùn era micca caru è chì ci vulia à saltà nant’à l’uccasioni, d’altri dinò ani cundannatu pratichi pulitico finanziarii pocu degni. Hè un colpu di scuntentezza inveci chì hà fattu Michel Stefani, difensori, è da un pezzu, di l’entità SNCM. Ind’una dichjarazioni corta, hà criticatu assai i pratichi di certi grandi intrapresi.
Écoutez-le
