SNCM : la fin approche
(A redazzioni d'Alta Frequenza) - A SNCM era torna in dibattitu à l'Assemblea di Corsica à l'uccasioni di i quistioni urali posti stamani (ghjovi) à l'Esecutivu. U gruppu Femu a Corsica, cù a voci di Ghjuvan Cristofanu Angelini, hà postu dumandi assai diretti à l'Esecutivu di Corsica, vali à dì chì sò i suluzioni di ss'ultimu pà l'avvena di a SNCM. Hè oramai un affari sicuru : pà schisà i cundanni di Brussels, a suluzioni di a discuntinuità hè stata ritinuta è sarà dunqua dibattuta davanti u tribunali di cummerciu à a fin di u mesi. U prublema di a ripresa di l'attività di l'anziana SNCM si poni dunqua, è u gruppu Femu a Corsica hà dumandatu chjarificazioni à l'Esecutivu di Corsica. In un'intarvinzioni longa, Paul Giacobbi hè vultatu annant'à i raghjoni chì ani inghjinnatu a situazioni attuali pessima di a cumpagnia. Hà prisintatu dinò i suluzioni chì li parini essa i più boni. Ancu s'è parechji ipotesi fermani pussibuli, a ripresa di i battelli da a CMN, una suluzioni mista CTC-SNCM, o una ripresa tuttu simpliciamenti da un privatu, Paul Giacobbi hà fattu cunnoscia torna l'impegnu sicuru di a Cullittività di Corsica. In fatti, i pussibilità finanziari di quissa quì pudarani essa rivisti più sopra, ciò chì rindaria più faciuli a custituzioni di un insemi novu di battelli.
Steti à senta à Paul Giacobbi.
