SNCM : la réponse claire de Paul Giacobbi à Michel Stefani
(A redazzioni d'Alta Frequenza) - C'hè a pulitica è c'hè a legi! Hè sottu à ssi dui aspetti chì a situazioni di a SNCM in ssu mumentu hè letta da a raprisintazioni pulitica isulana. Ssu prublema hè vultatu torna una volta annant'à a scena mediatica stamani (ghjovi) à l'uccasioni di i quistioni urali posti à l'Esecutivu ad ogni sissioni di l'assemblea di Corsica. Michel Stefani, ùn hè micca una surpresa pà daveru, hà dumandatu di manera ufficiali à Paul Giacobbi, postu chì ùn c'era micca Paul Marie Bartoli, d'annulà a dumanda di rimbursamentu fatta calchì ghjornu fà da l'uffiziu di i trasporti. Ramintemi ch'ellu hà dumandatu à a SNCM di rimbursà 197 millioni d'auri di suvvenzioni tocchi pà u serviziu publicu di u 2007 / 2013. U cunsighjeru cumunistu hà cuntistatu micca solu a dimarchja ma dinò u sciffru eppo a mubilisazioni di un battellu da a CMN è a vulintà di passà pà a forza publica s'ellu c'hè bisognu. Paul Giacobbi hè statu più cà chjaru! Ùn si pò micca cunfonda l'aspettu puliticu è a severità di a legi; ed hè a legi ch'ellu hà sceltu.
Steti à senta à Paul Giacobbi, u presidenti di l'Esecutivu di Corsica.
Sur le même sujet
