SNCM : le bateau ivre
(A redazzioni d'Alta Frequenza) - Hè in fini di settimana chì vultarà inde l'attualità, è soprattuttu nant'à u scagnu di l'Esecutivu di Corsica, l'impurtanti cartulari nant'à u serviziu maritimu di a Corsica. Ùn si sà micca s'è Paulu Giacobbi avarà trovu u famosu Auru simbolicu chersu da Gérard Couturier da pudè riceva in scambiu a SNCM sana sana, battelli, parsunali è tutta l'amministrazioni, ma quissu quì hà rammintatu chì ùn era micca una macagna. Sana sana, ùn hè micca tutalmenti ghjusta, parchì chì un picculu articulu isciutu chì hè pocu ind'a stampa spicializata ammenta chì a sedia di a SNCM hè dighjà stata vinduta pà 13 millioni d'Auri. Dighjà cacciatu da 11 millioni Auri da risponda à l'esigenzi d'Air France in materia di serviziu aereu, l'Esecutivu farà senza dubbitu alcunu ancu di più casu à i novi urientazioni in materia maritima. In tutti i casi, i sindicati aspettani, cun impazienza è attinzioni, ciò chì hà da accada ghjovi o vennari à l'Assemblea di Corsica, parchì chì stavolta, ci vularà daveru à pighjà dicisioni.
Écoutez Gérard Mortreuil pour la CFDT
Sur le même sujet
