SNCM : le ministre Cuvillier se veut convaincant !
(A redazzioni d'Alta Frequenza) - Frédéric Cuvillier, u ministru di i trasporti, hà rammintatu, cù u so cabinetu, "tuttu l'attaccamentu di u guvernu pà salvà" a cumpagnia. Aldilà di i 30 millioni d'auri dighjà annunziati, u ministru hà da dumandà à a Caisse des Dépôts, è a i cullettività lucali di rifletta à u finanziamentu di un primu battellu. S'è l'adunita si faci, è ch'ella diventa matura, quissa quì pudarà essa effettiva à partasi di u 2016. U ministru hà rammintatu dinò chì u guvernu, cù una legi di u 2013, inquadrava bè i legi suciali appiecati. Hà dittu chì i cumpagnii stragneri, chì viaghjani da è ver di a Francia, devini rispittà i reguli suciali di u Statu d'accolta. Hà aghjustatu chì ssi reguli, sò in cuncurdenza tutali cù i reguli aurupei. Hè impurtanti di pricisà chì ùn si tratta micca di a navigazioni cù a bandera francesi di primu righjistru, ma bè di i reguli di u mumentu in Auropa. Un puntu di un'impurtanza strema, quandu si sà chì a CGT dumanda, torna è sempri, ssa famosa bandera francesi di primu righjistru.
Steti à senta à Frédéric Cuvillier, invitatu di Jean Jacques Bourdin nant'à RMC info.
