Territoriales : les paroles d'Edmond Simeoni après la victoire de Pè a Corsica
(A redazzioni d'Alta Frequenza) - C'hè un omu pà quali ssa vittoria t'avia un'impurtanza particulari, un gustu particulari, di più torna cà pà l'altri. Ss'omu, hè Edmond Simeoni, parti u più suventi cintrali di u naziunalisimu corsu dipoi u 1975 è l'evenimenti d'Aleria. A so pupularità s'hè verificata torna ssa dumenica à sera, induv'ellu s'hè fattu cullà annant'à u tettu di una vittura davanti a permanenza di Pè a Corsica pà prununzià un discorsu longu dopu à ssa vittoria. Par ellu, a Francia devi cumpona avà, più cà mai, cù ssa rialtà naziunalista. Ss'alizzioni raprisenta soprattuttu par ellu a rinascita di u populu Corsu.
Steti à senta à Edmond Simeoni.
