Triple meurtre à Bastia : une personne interpellée et placée en garde à vue
Attacca a inchiesta, dopu à u micidiu di trè parsoni è a scuparta d’una quarta parsona uspitalizata in urgenza vitali, luni à sera in Bastia.
Hè un abitanti di u quartieri d’alloghji suciali dittu Piana Suprana, in Montesoru, chì hà datu l’alerta.
A pulizza scintifica è un medicu ligista ani passatu ori è ori a visticà a scena llu criminu.
Par avali, ùn n’hà fattu cumunicazioni ufficiali a pracura di Bastia, chì a inchiesta avviata da a pulizza ghjudiziaria hà da circà à spiicà ciò chì hè successu, in issu picculu appartamentu di pedi à pianu, ind’iddda pari bedda cunfusa a situazioni.
Certi abitanti avariani intesu cartucciati. A pracura inveci, ùn n’hà datu cunfirma di a natura di i ferti, chì l’autupsii duvariani essa fatti da quì à pocu.
Jean-Philippe Navarre, u prucuratori lla ripublica di Bastia, hà datu cunfirma versu undici ori è mezu sta notti di a intarpillazioni è a missa in guardia à vista d’una parsona
