Le Direct

Troisième tranche du PEI : l'avis de Camille de Rocca Serra

(A redazzioni d'Alta Frequenza) - L'Assemblea di Corsica studieghja dipoi u principiu di u dopu meziornu (ghjovi) nant'à a cunvenzioni d'appiecazioni nant'à a terza fasa di u PEI, u Prugrammu Eccezziunali d'Investimentu, pà u periudu 2014-2016. Omu s'arricorda chì duranti a so ghjunta in Corsica, Manuel Valls, u ministru di l'Internu avia vulsutu rassicurà l'eletti nant'à issu sughjettu, dichjarendu frà altru chì iss'ultimu saria in cunfurmità cù i bisogni. À l'ora duva si parla di restrizzioni di i dutazioni di u Statu à i cullettività lucali, issu ducumentu hè assai di primura frà altru in materia d'acqua, d'investimentu, di sviluppu urbanu è d'infrastrutturi stradali. 535 millioni d'auri facini parti di issa cunvenzioni. Unu di l'inghjochi di u dibattitu si trova ghjustu appuntu ind'u fattu di difiniscia un foghju di strada pà issa nova cunvenzioni. Da u cantu di l'uppusizioni, è frà altru di u gruppu Rassembler pour la Corse, omu s'intarrugheghja. Pà Camille de Rocca Serra, una quistioni : l'esecutivu t'avarà i mezi di i so ambizioni ? Pà u diputatu di Corsica Suttana, una riflessioni in più è una cria d'irunia versu l'esecutivu : i critichi d'arimani parini essa divintati i certezzi d'oghji.

Ecoutez Camille de Rocca Serra.