Un ancien proviseur du collège de L'Ile-Rousse relaxé par le tribunal correctionnel de Bastia
Marti, un anzianu pruvisori di u culleghju di Lisula hè statu assoltu da u tribunali currizziunali di Bastia.
Era ghjudicatu parvia « d’arrighjistramentu è cunsirvazioni di dati à carattaru parsunali sinsibuli, senza l’accunsentu di i parsoni cuncirnati ».
Mentri u prucessu, l’omu hà ricunnisciutu ch’iddu avia fattu un cartulari cù valutazioni critichi è parsunali di tutti i so anziani culleghi. Hà nigatu, inveci, d’avè spartu issu cartulari, o ancu d’avè lu tinutu in u discu duru di u so urdinatori o à nantu à una chjavi USB.
D’aprili di u 2022, i insignanti di u culleghju di Lisula aviani ricivutu un cartulari ind’iddi c’erani noti par ugni parsunali di u stabilimentu. Cù issi noti, anonimi, c’erani cumenti dispiacevuli : « carattaracciu », « ambizioni sindicali », « una vera rumpi stifali », « prufissori di corsu », è tira avanti è passa...
A riazzioni di i insignanti è di i parsunala di u culleghju era stata viva, dopu spartu issu ducumentu.
Sur le même sujet
