Un incident d'audience va se prolonger devant la justice
Un conflit entre deux avocats insulaires va se prolonger devant la justice
(A redazzioni d'Alta Frequenza) - Accadi chì duranti un'audienza, ci sighi una certa tinsioni trà di l'avucati, certi volti pò andà fin'è l'incidenti d'audienza. Ma sò scarsi quilli chì sboccani nant'à una lagnanza. Eppuru, hè u casu oghji, parchì u raprisintanti di l'Ordini di l'Avucati di Bastia, maestru Jean Sébastien de Casalta, hà da pona una lagnanza. Ssa lagnanza, cù una forma chì devi essa ditarminata, intarveni inde un affari d'un omu, cundannatu à quindeci anni di prighjoni pà un umicidiu accadutu in u 2008, di quali a liberazioni cundiziunali hè stata annulata in appellu u 10 d'aprili scorsu. Duranti ss'audienza, maestru de Casalta, avucatu di a parti civili, hè statu incausatu da l'avucatu di a difesa, cù una lita dopu a sintenza; mentri ssa lita, c'hè statu un cunfrontu trà u babbu di l'accusatu è maestru de Casalta. Dopu un'inchiesta classificata com'è senza seguita, l'affari hà cunnisciutu una seguita publica, postu chì l'avucatu di a difesa hà criticatu d'una manera forti u cumpurtamentu di maestru de Casalta.
Un prulungamentu di troppu pà u raprisintanti di l'Ordini di Bastia, com'ellu a ci spiega u so cunsigliu, maestru Dominique Mattei.
