Università di Corsica: un retard qui inquiète
(A redazzioni d'Alta Frequenza) - Riunioni strasurdinaria di u cunsighju d'amministrazioni di l'Università di Corsica stamani (ghjovi) in Corti. Strasurdinaria parchì a squadra dirighjenti di l'università voli fà cunnoscia inchietudini forti pà ciò chì cuncerna mezi finanziarii. Ùn ci hè micca, hà dittu u cunsighju, d'inchietudini di fondu, annant'à u funziunamentu ghjinirali di l'università, micca inchietudini à cortu andà, hè à mezu andà inveci chì l'affari sò in francesi ind'è i rispunsevuli i più alti di l'Università. In fatti, a cunvenzioni quadru è a cunvenzioni d'appiecazioni pluriannuali 2013-2017, quilli chì gistiscini tuttu u funziunamentu finanziariu di a struttura, cunnosci un ritardu ind'a firmatura, è un ritardu impurtanti parchì sò 14 mesi oramai chì ssi ducumenti ùn sò micca stati cuntrattualizati. Rimetti in causa u mantenimentu di 25 CDD d'inquadranti ind'i filieri di ricerchi par asempiu.
Steti à senta i spiecazioni di Paul Marie Romani, u presidenti di l'Università di Corsica.
Sur le même sujet
