Football (Ligue 2) - Le SC Bastia se rassure en amical face à l'Hellas Vérone, mais perd Dumè Guidi sur blessure (3-1)
Photo SC Bastia
Sabbatu in Furiani, pà u so ultimu scontru amicali d’innanzi à a staghjoni, u SC Bastia hà ghjucatu contru à a squadra di l’Hellas Verone, chì hè in Seria A in Italia.
Vinta 3 à 1 - Djoco, Vincent è Santelli avendu marcatu - issa partita hà missu in risaltu i qualità uffinsivi di u Sporting, masimu dopu à u posu.
Par disgrazia, dopu à deci minuti di ghjocu, Dumè Guidi, u vicicapitanu bastiacciu, si hè fertu bè à u ghjinochju drittu.
À u minimu, u si saria stortu. À u pighjor’ casu, si saria ruttu i ligamenti cruciati, è tandu pudaria mancà parichji mesa.
Hè à veru un pessimu affari pà a difesa cintrali bastiaccia : sabbatu ripidda u campiunatu in Concarneau, è ùn ferma più chivi chè Issiar Dramé.
Vali à dì ch’iddu li ci hà da vulè, à u Sporting, à buscà si prestu unu o parichji ghjucadori pà issi posti.
Régis Brouard, l’addistradori, hà datu cunfirma di cuntatti ch’ùn sò sbuccati cù u ghjucadori di Nantes Nicolas Pallois, è cù l’anzianu bastiacciu Mathieu Peybernès.
Steti lu à senta
Sur le même sujet
