Michel Rocard : Je suis infiltré dans le camp d'en face !
(A redazzioni d'Alta Frequenza) - À l'iniziativa di u gruppu Corsica Libera di l'Assemblea di Corsica è di u think tank "Alba Nova" hè nata una dimarchja chjamata "un'iniziativa internaziunali pà una via pulitica in Corsica". Iniziativa purtata sottu a direzzioni di Joseph Lluis Carod-Rovira, anzianu vici presidenti di a Generalitat de Catalunya. Ssa dimarchja internaziunali t'hà com'è scopu d'accumpagnà u prucedimentu "custruitu di una manera demucratica da l'eletti corsi dipoi cinqui anni oramai è pà faciulità a presa in contu da Parighji di a situazioni nova da fà ch'ella ùn sighi micca persa un'uccasioni simuli di fà nascia a paci nant'à l'isula". A CTC susteni cù forza ss'iniziativa è c'hè stata oghji (vennari) una prima cunfarenza. Travaghji chì accugliani, par asempiu, i cuntribuzioni di Michel Rocard, Roberto Louvin, Jean Luc Bennahmias o Francine Demichel. Michel Rocard, à a fin di ssu dopu meziornu, hà datu u so parè annant'à ciò ch'ella hè oghji a Francia, l'Auropa, a rilazioni Statu-Regioni, i nazioni senza Statu, a dicintralisazioni è a so visioni di u prucedimentu ingaghjatu in ssu mumentu in Corsica. Ancu s'ellu ùn hè più à u guvernu, ferma malgradu tuttu largamenti intruduttu in tutti i meccanisimi di u Statu, ciò chì l'hà fattu dì, cù una certa irunia "sò infiltratu ind'a casa in faccia". Di più cà un mediatori com'ellu l'hà vulsuta dì Ghjuvan Guidu Talamoni, Michel Rocard si difinisci com'è un facilitatori.
Steti à senta à Michel Rocard.
Sur le même sujet
