Football (Ligue 2) - Le SC Bastia a quasiment bouclé son mercato avec l'arrivée de Gaétan Charbonnier
Luni, u Sporting hà prisintatu i trè ghjucadori ghjunti cù u marcatu d’invernu. Una di quissi, u latirali di manca maruccanu Mohamed Souboul, hè aghjà cumenciu à purtà a maglietta turchina.
I dui altri s’ani da scopra da quì à pocu. Unu hè Mahamé Siby, un ghjucadori di mezu tarrenu malianu di 27 anni. L’altru hè l’attaccanti Gaëtan Charbonnier. T’hà 35 anni è hà marcatu 82 volti in campiunatu di siconda divisioni.
N’hè d’altrondi statu elettu u miglior’ghjucadori pà a staghjoni 2018-19. Issu ghjucadori di spirienza, fisicu, hè capaci à sfiatà i difesi di l’avvirsarii. Hà sceltu di vena in Bastia par rilancià si, dopu à una passata dilicata in Saint-Etienne.
Issa staghjoni, hà ghjucatu 18 volti cù a maglietta verda, ma pochi volti da titulari. Ùn hà missu chè un marcu solu, dopu vultatu da una rumpitura di i ligamenti cruciati, successa in principiu di l’annu scursu.
Steti à senta à Gaétan Charbonnier.
Claude Ferrandi, u prisidenti llu Sporting, hà spiicatu chì a squadra hà circatu à tirà calchì insignamentu di i sbagli di u marcatu d’istati. Hà dittu chì quiddu d’invernu ùn era ancu à finì, ma parlendu issa volta di i partenzi.
Steti lu à senta.
